By ನರೇಗಲ್ ಬಳಿ ಭೀಕರ ಅಪಘಾತ
ಗದಗ: ಜಿಲ್ಲೆಯ ನರೇಗಲ್ ಪಟ್ಟಣದ ಹೊರವಲಯದಲ್ಲಿ ಗದ್ದಿಹಳ್ಳದ ಬಳಿ ಸಾರಿಗೆ ಸಂಸ್ಥೆಯ ಬಸ್ ಹಾಗೂ ಟಾಟಾ ಸುಮೋ ನಡುವೆ ಡಿಕ್ಕಿ ಸಂಭವಿಸಿ ಸ್ಥಳದಲ್ಲಿ ಆರು ಜನ ಮೃತಪಟ್ಟಿದ್ದಾರೆ.
ಇಂದು ಬೆಳಿಗ್ಗೆ ಈ ಅವಘಡ ಸಂಭವಿಸಿದ್ದು, ನಾಲ್ವರಿಗೆ ಗಂಭೀರ ಗಾಯಗಳಾಗಿವೆ. ಗಂಭೀರ ಗಾಯಗೊಂಡವರನ್ನು ಚಿಕಿತ್ಸೆಗಾಗಿ ಜಿಮ್ಸ್ ಆಸ್ಪತ್ರೆಗೆ ರವಾನಿಸಲಾಗಿದ್ದು,ಮೃತರೆಲ್ಲರೂ ಕಲಬುರಗಿಯಿಂದ ಗಜೇಂದ್ರಗಡ ಮಾರ್ಗವಾಗಿ ಶಿರಹಟ್ಟಿ ಫಕ್ಕಿರೇಶ್ವರ ಮಠಕ್ಕೆ ಟಾಟಾ ಸುಮೋದಲ್ಲಿ ಹೊರಟಿದ್ದರು.
ಗದಗದಿಂದ ಗಜೇಂದ್ರಗಡಕ್ಕೆ ಬಸ್ ಹೊರಟ ವೇಳೆ ಮುಖಾಮುಖಿ ಡಿಕ್ಕಿಯಾದ ಪರಿಣಾಮ ಬಸ್ ನಲ್ಲಿದ್ದ ಕೆಲವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ.
ಮೃತರನ್ನು ಅಫ್ಜಲಪುರದ ಸಚಿನ್ ಕತ್ತಿ (31), ಮಾದನ ಹಿಪ್ಪರಗಿಯ ಶಿವಕುಮಾರ್ ಕಲಶೆಟ್ಟಿ (50), ಚಂದ್ರಕಲಾ (42), ರಾಣಿ (32) ಹಾಗೂ ಅಪ್ಜಲಪೂರದ ದ್ರಾಕ್ಷಾಯಣಿ ಕತ್ತಿ (33) ಸ್ಥಳದಲ್ಲೇ ಮೃತಪಟ್ಟರೆ ಹಾಗೂ ಇನ್ನೋರ್ವರು ತದನಂತರ ಅಸು ನೀಗಿದ್ದಾರೆನ್ನಲಾಗಿದೆ.ನರೇಗಲ್ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ವಿಷಯ ತಿಳಿದು ಜಿಲ್ಲಾಸ್ಪತ್ರೆಗೆ ಧಾವಿಸಿದ ಫಕೀರ ದಿಂಗಾಲೇಶ್ವರ ಶ್ರೀಗಳು ಗಾಯಾಳುಗಳಾದ ಅಲ್ಲಮಪ್ರಭು ಕಲಶೆಟ್ಟಿ, ದಿಂಗಾಲೇಶ್ವರ ಕಲಶೆಟ್ಟಿ.. ಮಹೇಶ ಕತ್ತಿ, ಅನಿತಾ ಕತ್ತಿ ಎಂಬುವವರ ಆರೋಗ್ಯ ವಿಚಾರಿಸಿದರು.
ಭಕ್ತರ ದುರಂತ ಸಾವಿಗೆ ಕಣ್ಣೀರಿಟ್ಟ ದಿಂಗಾಲೇಶ್ವರ ಶ್ರೀಗಳು ಭಕ್ತರು ದಿಂಗಾಲೇಶ್ವರ ಮಠಕ್ಕೆ ಬರ್ತಾಯಿದ್ರು, ಬೆಳಗ್ಗೆ ನನ್ನ ಜೊತೆ ಮಾತನಾಡಿದ್ದಾರೆ.. ಆದರೆ ಮಠಕ್ಕೆ ಬರುವ ನಡೆಯಬಾರದ ಘಟನೆ ನಡೆದಿದೆ ಎಂದರು.
