ಬಾಸ್ಕೆಟ್‌ಬಾಲ್ ಅಸೋಸಿಯೇಶನ್‌ಗೆ ಮಹೇಶ ಶೆಟ್ಟಿ ಅಧ್ಯಕ್ಷರಾಗಿ ಆಯ್ಕೆ

ಶೀಘ್ರ ಧಾರವಾಡದಲ್ಲಿ ರಾಜ್ಯಮಟ್ಟದ ಟೂರ್ನಿ ಆಯೋಜನೆ

ಫಿಟ್‌ನೆಸ್ ಕ್ಯಾಂಪ್‌ಗೆ ಚಾಲನೆ ನೀಡಿದ ನೂತನ ಅಧ್ಯಕ್ಷರ ಭರವಸೆ

ಧಾರವಾಡ: ಜಿಲ್ಲಾ ಬಾಸ್ಕೆಟ್‌ಬಾಲ್ ಅಸೋಸಿಯೇಶನ್‌ಗೆ ನೂತನ ಆಡಳಿತ ಮಂಡಳಿ ಆಯ್ಕೆಯಾಗಿದ್ದು, ಖ್ಯಾತ ಹೋಟೆಲ್ ಉದ್ಯಮಿ ಮಹೇಶ ಶೆಟ್ಟಿ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.

ಉಪಾಧ್ಯಕ್ಷರಾಗಿ ರಾಮ ದಾಸಣ್ಣವರ, ಮಹೇಶ ಮಾಶಾಳ ಆಯ್ಕೆಯಾಗಿದ್ದಾರೆ. ವಿಜಯ ಬಳ್ಳಾರಿ(ಕಾರ್ಯದರ್ಶಿ) ರಾಜೇಂದ್ರ ಜಂಬಗಿ, ಶಿವಯೋಗಿ ಅಮೀನಗಡ (ಸಹ ಕಾರ್ಯದರ್ಶಿಗಳು), ಶ್ರೀಕಾಂತ ಕಂಚಿಬೈಲ(ಖಜಾಂಚಿ), ಅಶೋಕ ಕಂಚಿಬೈಲ, ಪಾಟೀಲ ಎಂ.ಎಂ., ಅಶ್ವತ್ಥಾಮ ಕುಬಾಳ, ರಾಹುಲ, ಮಹೇಶ (ಸದಸ್ಯರು), ಆರ್.ಎಸ್.ಮೋಕಾಶಿ, ಕಿರಣ ಕುಂಬಾರಗೌಡ(ಕನ್ವೇನರ್ ಮತ್ತು ಟೆಕ್ನಿಕಲ್ ಕಮೀಟಿ) ಹಾಗೂ ತಾಂತ್ರಿಕ ಸಲಹೆಗಾರರಾಗಿ ಜಿ.ಎಸ್. ಜಾಧವ, ಆರ್.ಎಸ್. ನಾಯಕ, ಪಿ.ಕೆ. ಹಸನಕರ ಮತ್ತು ಮಲ್ಲು ಪಾಟೀಲ ಆಯ್ಕೆಯಾಗಿದ್ದಾರೆ.

ಫಿಟ್‌ನೆಸ್ ತರಬೇತಿ:
ನಂತರ ನಡೆದ ಅಸೋಸಿಯೇಶನ್‌ನ ಸಭೆಯಲ್ಲಿ ಮಾತನಾಡಿದ ನೂತನ ಅಧ್ಯಕ್ಷ ಮಹೇಶ ಶೆಟ್ಟಿಯವರು, ಅಸೋಸಿಯೇಶನ್ ವತಿಯಿಂದ ಪ್ರಥಮ ಬಾರಿಗೆ ಜಿಲ್ಲೆಯ 7 ಕ್ಲಬ್‌ಗಳ ಆಟಗಾರರಿಗೆ ಸೆ. 20ರಿಂದ 30ರವರೆಗೆ ನಿತ್ಯ ಬೆಳಿಗ್ಗೆ 6.30ರಿಂದ 8.30ರವರೆಗೆ ಫಿಟ್‌ನೆಸ್ ಕ್ಯಾಂಪ್ ಆಯೋಜಿಸಲಾಗಿದೆ. 35-40ಆಟಗಾರರಿಗೆ ಉಚಿತವಾಗಿ ಈ ಸೌಲಭ್ಯ ಕಲ್ಪಿಸಲಾಗಿದ್ದು, ಖ್ಯಾತ ಅಥ್ಲೆಟಿಕ್ ತರಬೇತದಾರ ರಾಮಚಂದ್ರ ಪಡತರೆ ಹಾಗೂ ರಾಜು ಮೊಕಾಶಿ ನಡೆಸಿಕೊಡುತ್ತಿದ್ದಾರೆ ಎಂದು ತಿಳಿಸಿದರು.
ಮುಂಬರುವ ದಿನಗಳಲ್ಲಿ ರಾಜ್ಯಮಟ್ಟದ ಬಾಸ್ಕೆಟ್‌ಬಾಲ್ ಟೂರ್ನಾಮೆಂಟ್ ಆಯೋಜಿಸಲಾಗುವುದು ಎಂದು ಅವರು ಭರವಸೆ ನೀಡಿದರು.